Në Gjykatën Themelore në Prishtinë është mbajtur seanca e shqyrtimit gjyqësor në rastin ku Flamur Hajzeraj, Leutrim Jahja dhe Ylber Krasniqi po akuzohen për keqpërdorim të detyrës apo autoritetit zyrtar.
Në seancën e sotme u dëgjuan tre dëshmitarët, SH.F, I.J dhe A.C.
Në dëgjimin e dëshmitarit të parë Sh.B, si shef i sektorit të financave në QKUK, në pyetjet e prokurorit Halim Borovci, deklaroi lidhur me procedurën e kryerjes së pagesave për tenderët, ndërsa poashtu theksoi se pranimi teknik nuk duhet të bëhet pa u kryer punimet apo furnizimet.
Ndërsa në pyetjet e mbrojtësve të të akuzuarve, dëshmitari pohoi se sipas tij nuk ka dëmtim të QKUK-së në këtë rast dhe se shtyerjet e punimeve në atë kohë kanë ndodhë për shkak të pandemisë me Covid-19.
I njëjti potencoi faktin se pjesë e shkresave për pagesë duhet të jetë edhe raporti final për punët e kryera, por vendimin për pagesë e merrë i fundit ceritifikuesi, nëse nuk është në rregull duhet të lajmëroj dhe se në këtë rast nuk ka pasur ndonjë lajmërim se diçka nuk është në rregull.
Dëshmitari i dytë i dëgjuar në seancën e sotme I.J deklaroi se lidhur me fillimin e punimeve për vendosjen e kamerave dhe se të akuzuarit kanë punuar dhe e kanë kryer punën e tyre.
Tutje, u dëgjua edhe dëshmitari i tretë A.C si teknik i IT-së në QKUK, i cili në pyetjet e prokurorit Borovci theksoi se mbetet pranë deklaratës së dhënë në polici për këtë rast dhe se ai është kontaktuar 2-3 ditë para se të jep deklaratën në polici nga përgjegjësi i tij Faton Hajzeraj përmes telefonit, i cili i ka kërkuar të i bartë disa pajisje me pako, përkatësisht kamerat.
Edhe ky dëshmitar mohoi se në periudhën me Covid-19 ka pasur mundësi të punohet në kushte normale nga operatori ekonomik për vendosjen e kamerave në QKUK.
Seanca e radhls u caktua të mbahet me datë 13 maj 2024, nga ora 09:00.
Sipas aktakuzës së Prokurorisë Themelore, Fatlum Hajzeraj, Leutrim Jahja dhe Ylber Krasniqim akuzohen se në bashkëkryerje kanë kryer veprën penale “Keqpërdorim i detyrës apo autoritetit zyrtar”.
Shënim: Të akuzuarit e përmendur në këtë postim konsiderohen të pafajshëm derisa të
vërtetohet fajësia e tyre me aktgjykim të formës së prerë të gjykatës.
Monitoruar nga: Leotrim Pajaziti
