Gjatë ditës së djeshme, Policia e Kosovës ka arrestuar një person në Gjakovë nën dyshimin e kryerjes së veprave penale “Dhunë në familje” dhe “Armëmbajtje pa leje”.
Sipas raportit 24 orësh, personi i arrestuar dyshohet se kishte kërkuar nga viktima femër kosovare që ajo të largohet nga banesa.
Rasti në Polici është raportuar nga vetë viktima, e cila ka theksuar se paraprakisht me të dyshuarin kishin pasur një mosmarrëveshje verbale.
Tutje, thuhet se gjatë kontrollit tek i dyshuari janë gjetur dhe konfiskuar një pistoletë dhe një thikë.
“Pas intervistimit, me vendim të prokurorit, viktima është dërguar në strehimore ndërsa i dyshuari është liruar në procedurë të rregullt” – thuhet në raportin 24 orësh të Policisë së Kosovës./Drejtësia Sot