Nga raporti i 24 orëve të fundit të Prokurorit të Shtetit, janë identifikuar 6 aktakuza lidhur me veprën penale “Dhuna në familje” në Prishtinë, Pejë dhe Gjilan. Nga ky raport bëhet e ditur se një aktakuzë kundër një personi është ngritur në Prishtinë, katër aktakuza kundër katër personave janë ngritur në Pejë dhe një aktakuzë kundër një personi është ngritur në Gjilan.
Ndër të tjera lidhur me këtë vepër penale janë caktuar edhe masa të sigurisë ndaj të pandehurve në raste të tjera, si dhe me urdhër te prokurorit kujdestar janë ndaluar për 48 orë 3 persona, nën dyshimin për kryerjën e po kësaj vepre penale./Drejtësia Sot
