Policia e Kosovës dje në Rahovec ka arrestuar dy persona që kishin ushtruar dhunë ndaj një vajze të mitur.
Lajmi është bërë i ditur nga raporti 24 orësh i Drejtorisë Rajonale të Policisë në Gjakovë.
Nga ky raport bëhet e ditur se të arrestuarit janë një mashkull kosovar dhe një femër shtetase e Shqipërisë, që në raport familjar janë burrë dhe grua.
Ata u arrestuan nën dyshimin se kanë ushtruar dhunë psikike ndaj vajzës së mitur.
Në fund, Policia njofton se i dyshuari është dërguar në mbajtje ndërsa e dyshuara është liruar në procedurë të rregullt./Drejtësia Sot