Është mbajtur mbledhja e 314 e Këshillit Gjyqësor të Kosovës, në të cilën janë diskutuar 5 pika të rendit të ditës. Caktimi i u.d. Administratorit të Gjykatës Supreme të Kosovës, shpallja e konkursit të brendshëm për administrator të Gjykatës Supreme të Kosovës, themelimi i komisionit për rekrutim të administratorit të Gjykatës Supreme të Kosovës, themelimi i komisionit për rishqyrtim të ankesave kandidatëve për administrator të Gjykatës Supreme të Kosovës si dhe shqyrtimi i njoftimit të Njësisë për Menaxhimin Burimeve Njerëzore në SKGJK për pensionim të gjyqtarëve, kanë qenë pikat për të cilat KGJK ka vendosur në këtë mbledhje.
Me shumicë votash është zgjedh u.d administratorja e Gjykatës Supreme znj.Vjollca Cenaj, kurse pas këtij vendimi është hapur konkursi i brendshëm për pozitën e administratorit të Gjykatës Supreme. Tutje, janë zgjedhur edhe anëtarët e komisioneve sipas pikave 3 dhe 4 të rendit të ditës ku lidhur me Komsionin për rekrutim të administratorit të Gjykatës Supreme të Kosovës janë caktuar si anëtarë Gjyqtari- Faret Veliu, Gjyqtarja- Arjeta Sadiku dhe si kryetare e komisionit Gjyqtarja- Teuta Ibrahimi. Lidhur me Komisionin për rishqyrtim të ankesave kandidatëve për administrator të Gjykatës Supreme kryetar i komisionit u zgjedh, Gjyqtari-Avni Mehmeti kurse si anëtarë Gjyqtari-Zenel Leku dhe Gjyqtarja- Nora Bllaca.
Ndër të tjera u mor edhe vendimi për të propozuar tek Presidentja e Republikës së Kosovës që të lirohen nga detyra Gjyqtarët: Gani Avdiu, Hasan Shala, Sefer Gutaj dhe Gjyqtarja Tomka Berisha, meqenëse do e përfundojnë mandatin për shkak të pensionimit./Drejtësia Sot
