Gjykata Themelore në Prishtinë, ka shpallur aktgjykim dënues ndaj të akuzuarit Bekim Hyseni për veprën penale “Ushtrimi i ndikimit”.
Aktgjykimi ndaj të akuzuarit, u shpall nga gjyqtari Avni Syla
Sipas aktgjykimit, të akuzuarit i është shqiptuar dënim me burgim në kohëzgjatje prej 14 muajve, si dhe dënim me gjobë në shumën prej 3000 euro.
Ndaj të njejtit, gjykata ka shqiptuar edhe dënimin plotësues ndalimi i ushtrimit të funksioneve në administratën publike ose në shërbimin publik, në kohëzgjatje prej 3 viteve.
Ndryshe, Bekim Hyseni, akuzohet se ka kryer veprën penale “Ushtrimi i ndikimit”, sanksionuar sipas nenit 424 të KPRK-së.
Shënim: Të akuzuarit e përmendur në këtë postim konsiderohen të pafajshëm derisa të vërtetohet fajësia e tyre me aktgjykim të formës së prerë të gjykatës.
Monitoruar nga Gentrit Kuqani
