Në Gjykatën Themelore në Gjilan Departamenti për Krime të Rënda është shtyer seanca ndaj të akuzuarve Arktim Isufi për veprën penale: Dhënje Ryshfeti nga neni 422 par.1 I Kprk-së dhe i akuzuari Mehmet Drugzani për veprën penale: Keqpërdorim i detyrës zyrtare nga neni 414 par.1 i Kprk-së.
Kryetari i trupit gjykues e shtyen seancën gjyqësore, pasi nuk ka mundur të sigurohet prezenca e të akuzuarit Arktim Isufi si shkak i mos kordinimit me Qendrën e Paraburgimit dhe Njësitin e Transportit për të paraburgosurit ku është duke u mbajtur i akuzuari aktualisht. E njejta seancë gjyqësore pritet të mbahet me datën 14.11.2023 ora 13:00.
Sipas aktakuzës PP.I.NR 75/2023 i akuzuari Arktim Isufi akuzohet se nga mesi i vitit 2012, në kohë të pavërtetuar, në Gjilan i pandehuri në mënyrë të tërthort ka dhënë ryshfet në shumën prej 10.000 (dhjetë mijë) euro personit me nofken ‘’Dino’’ që i njejti përmes personit zyrtar Mehmet Drugzani, ta regjistroj në Zyrën e Gjendjes Civile në Komunën e Vitis si shtetas i Republikës së Kosovës, ashtu që pas dhënjës së ryshfetit i pandehuri Arktim Isufi ka pranuar ekstraktin nga regjistri i gjendjes civile me nr serik E25792844 dhe çertifikatën e lindjes nr.serik L24432746 i lëshuar nga zyrtari i gjendjes civile Mehmet Drugzani,e më pas ka aplikuar dhe është pajisur në mënyrë të kundërligjshme me letërnjoftim të Republikës së Kosovës .
Personat e lartëcekur janë pafajshëm derisa pafajësia e tyre të vërtetohet me aktgjykim të formës së prerë nga gjykata.
Monitoruar nga Leostina Maloku Sejdiu