Në Departamentin për Krime të Rënda sot në Gjykatën Themelore në Gjilan është mbajtur seanca gjyqësore e rradhës për shpalljen e aktgjykimit nga kryetari i trupit gjykues Ramiz Azizi , ndaj të akuzuarit Nevzad Rushiti për veprën penale: Keqpërdorim i pozitës apo autoritetit zyrtar neni 414 par.3 nën par 3.2 lidhur me par 1 të Kprk-së
Gjyqtari Ramiz Azizi të akuzuarin Nevzad Rushiti në cilësinë e drejtorit të Drejtorisë së Inspeksionit e shpalli të pafajshëm dhe e liroi nga akuza sepse nga i njejti nuk është vërtetuar se e ka kryer veprën penale që i vihet në barrë, nuk janë ndërrmarë të gjitha veprimet që është dashur të kryhet nga i akuzuari.
Aktgjykimin në formë fizike së bashku me arsyetimin lidhur me këtë rast palët procedurale do ta marrin në afatin ligjor të paraparë me Kodin e Procedurës Penale, njoftoi gjyqtari i rastit Ramiz Azizi.
Kujtojmë që Nevzad Rushiti sipas aktakuzës PP.I.nr 84/2022 akuzohet se në cilësinë e Drejtorit të Drejtorisë së Inspeksionit në Komunën e Gjilanit duke keqpërdorur detyrën zyrtare , nuk i ka përmbushur detyrat e tij të përcaktuar me ligj, me qëllim që vetes ose personave të tjerë ti sjellë dobi pasurore,në atë mënyrë që edhe pse inspektorët e ndërtimit gjatë vizitës në objektin e pronarit Bekim Qarrolli, që gjendet në lagjën ‘’Dardania’’ në Gjilan kanë kontestuar se objekti është duke u ndërtuar pa leje ndërtimore, e shiritojnë objektinë dhe i shqiptojnë gjobë prej 300€ i pandehuri me 20 prill 2021 nxjerr aktvendim pë rrënim të objektit pa leje me nr protokolit nr.14-02-233, përkundër që janë plotësuar kushtet për rrënim, nuk e ekzekuton të njejtin edhe pse ka qenë obligim i tij , dhe me këto veprime i ka shkaktuar dëm Komunës së Gjilanit dhe lagjes ‘‘Dardania I’.
Palët e pa kënaqura kundër ktij aktgjykimi F.K dhe Komuna e Gjilanit mund të drejtohen pranë kësaj gjykate për kontest civil.
Kundër këtij aktgjykimi të shkallës së parë palët mund të paraqesinë ankesë në Gjykatën e Apelit në Prishtinë në afatin kohor prej 15 ditëve nga dita e pranimi të këtij aktgjykimit nga kjo gjykatë.
Personat e lartëcekur janë pafajshëm derisa pafajësia e tyre të vërtetohet me aktgjykim të formës së prerë nga gjykata.
Monitoruar nga Leostina Maloku Sejdiu