Gjykata Themelore në Prishtinë, ka shpallur aktgjykim dënues ndaj të akuzuarit Remzi Selimi, duke e dënuar me 2000 mijë euro gjobë për veprën penale “Konflikt i interesit”.
Aktgjykimi ndaj të akuzuarit Selimi, u shpall nga gjyqtari Gëzim Ademi.
Sipas aktgjykimit, i akuzuari Selimi është dënuar me burgim në kohëzgjatje prej 6 muaj, i cili dënim i është zëvendësuar në dënim me gjobë në shumën prej 1000 mijë euro, si dhe të njëjtit i është shqiptuar dënim me gjobë në shumën prej 1000 mijë euro.
Ndryshe, Prokuroria Themelore me të akuzuarin kanë lidhur marrëveshje për pranimin e fajësisë me datë 28 dhjetor 2023, e cila marrëveshje është aprovuar nga gjyqtari Ademi në seancën e datës 19 janar 2024.
Sipas aktakuzës së Prokurorisë Themelore në Prishtinë, R.S akuzohet se me datë 5 nëntor 2023, në cilësinë e personit zyrtar me dashje ka marrë pjesë në një cështje zyrtare, duke e ditur se miku i tij/vëlla i bashkëshortes së tij B.B ka interes financiar pasi që me themelimin e marrëdhënies së punës do të realizon përfitime financiare, në atë mënyrë që si i punësuar në Korporatën Energjetike të Kosovës në pozitën e inxhinierit të makinerisë/instruktor i trajnimeve të saldimit në kuadër të Qendrës së Trajnimeve, pasi që është caktuar me vendimin e Kryeshefit Ekzekutiv të KEK-ut, nr. 8044-1, të datës 8 nëntor 2021, në cilësi të kryetarit të komisionit për vlerësimin e kandidatëve për pozitën Teknik i Makinerisë, në Korporatën Energjetike të Kosovës, në konkursin me nr.8020, të publikuar me datë 5 nëntor 2021, ka marrë pjesë në testin me shkrim dhe testin me gojë/intervistimin e kandidatit B.B, ashtu që të B.B e ka rekomanduar që të zgjidhet në pozitën Teknik i Makinerisë, në vendimin me nr.1796/1, të datës 8 shkurt 2022, që ishte në numrin rendor 3.
Me këtë, R.S akuzohet se ka kryer veprën penale ‘Konflikt i interesit’, sanksionuar sipas nenit 417, par.1 të KPRK-së.
Shënim: Të akuzuarit e përmendur në këtë postim konsiderohen të pafajshëm derisa të vërtetohet fajësia e tyre me aktgjykim të formës së prerë të gjykatës.
Monitoruar nga Gentrit Kuqani